Kvifor velje Noreg sin vakraste arbeidsplass?

Hos oss er du med på å tilrettelegge for deling av data og informasjon i Noreg. Vi forvaltar nokre av landet sine viktigaste register og store mengder opne data som blir brukt av gründerar, næringsliv og offentleg sektor. Ideane og løysingane dine kan få betydning for heile landet. Her blir du ein del av eit sterkt fagmiljø, med godt samarbeid og gode utviklingsmoglegheiter.

«Eg trivst godt med å jobbe i Brønnøysundregistera! Det er mange flinke folk her, vanvettig dyktige, vil eg sei, som alle verkar stolte av jobben sin. Dessutan er dei villige til å dele av denne kunnskapen. Det kjem jo alle til gode. Eg jobbar først og fremst som backend-utviklar, men bidrar også innanfor løysingsdesign, arkitektur og prosessleiing. Den variasjonen liker eg – det gjer at ingen dagar er like. »

Kari Røssland, systemutviklar

Gode hos Brønnøysundregistera

Les meir om goda du får som tilsett hos Brønnøysundregistera

Bu i Brønnøysund

Vi har ein heilt spesiell natur for deg som liker å vere ute, og vêret for deg som liker å vere inne. I Brønnøysund finn du aktive idrettslag for alle aldrar, fotballbaner, inne-hallar, frisbeegolfbaner, kajakk og fiskemoglegheiter, alt samla rett utanfor døra di.